წესები და პირობები

გთხოვთ, პლატფორმის გამოყენებამდე დეტალურად გაეცნოთ წინამდებარე წესებსა და პირობებს

პლატფორმას ფლობს და მართავს საქართველოში დაფუძნებული შპს ლავოზა, რომელიც რეგისტრირებულია საქართველოს კანონმდებლობის შესაბამისად, სარეგისტრაციო ნომრით: 405605992. წინამდებარე წესები და პირობები წარმოადგენს თქვენსა და კომპანიას შორის დადებულ იურიდიულად მავალდებულებელ ხელშეკრულებას.

ტერმინთა განმარტებები

• თუ თავად ტექსტში სხვაგვარად არ არის მითითებული, ამ  დოკუმენტში გამოყენებულ ტერმინებსა (მიუხედავად იმისა, გამოიყენება თუ არა ისინი მხოლობით/მრავლობით რიცხვში) აქვთ შემდეგი მნიშვნელობები:
• კომპანია („ჩვენ“) - შპს ლავოზა, საქართველოს კანონმდებლობის შესაბამისად რეგისტრირებული, საიდენტიფიკაციო კოდი: 405605992, ფაქტობრივი მისამართი: საქართველო, თბილისი, შალვა ნუცუბიძის 111.
• პლატფორმა – ვებგვერდი ან აპლიკაცია ( wejetshop.ge ), რომელსაც მართავს და რომელიც ეკუთვნის კომპანიას. 
• მომხმარებელი („თქვენ“) – რეგისტრირებული ან არარეგისტრირებული მომხმარებელი.
• რეგისტრირებული მომხმარებელი – ნებისმიერი მომხმარებელი, რომელმაც დაასრულა რეგისტრაცია პლატფორმაზე წესების მიხედვით.
• არარეგისტრირებული მომხმარებელი - ნებისმიერი პირი, რომელიც იყენებს პლატფორმას, მაგრამ არ არის დარეგისტრირებული და/ან არ არის შესული თავის ანგარიშზე.
• მხარე – მომხმარებელი ან კომპანია, კონტექსტიდან გამომდინარე.
• მხარეები – მომხმარებელი და კომპანია.
• მესამე მხარე – ნებისმიერი ფიზიკური ან იურიდიული პირი კომპანიისა და მომხმარებლის გარდა.
• წესები და პირობები - ეს წესები და პირობები, პერსონალური მონაცემების კონფიდენციალურობის პოლიტიკა, ქუქი-ფაილები და კომპანიის მიერ განსაზღვრული ყველა სხვა დოკუმენტი, რომელიც არეგულირებს მომხმარებელსა და კომპანიას შორის ურთიერთობას.
• მომსახურება - კომპანიის მიერ რეგისტრირებული მომხმარებლისთვის გაწეული მომსახურება, რომელიც მოიცავს შუამავლობას, რეგისტრირებულ მომხმარებელსა და TAOBAO-ს შორის.
• TAOBAO - https://world.taobao.com/. 
• ინტელექტუალური საკუთრება – საავტორო უფლება, მომიჯნავე უფლებები და უფლებები, რომლებიც დაკავშირებულია საავტორო უფლებებთან, სასაქონლო ნიშანთან და ყველა სხვა პატენტთან, პატენტის განაცხადთან, მომსახურების ნიშნებთან, დიზაინის უფლებებთან, ბიზნესის სახელებთან, ნოუ-ჰაუსთან, მონაცემთა ბაზის უფლებებთან და სხვა სამრეწველო ან ინტელექტუალური საკუთრების უფლებებთან (და განაცხადები რომელიმე მათგანისთვის) და ნებისმიერი მსგავსი ან ანალოგიური უფლება მსოფლიოს ნებისმიერ კანონმდებლობაში, რეგისტრირებული ან არარეგისტრირებული, მათ შორის უფლებები ნებისმიერ ჩანაწერზე, პროგრამულ უზრუნველყოფაზე ან დიზაინზე, შესრულებაზე, მოდიფიკაციის უფლებებზე.

შესავალი

წესები და პირობები არეგულირებს კომპანიის მხრიდან მომსახურების მიღების სამართლებრივ საკითხებს, ასევე თქვენ მიერ პლატფორმის გამოყენებას მიუხედავად იმისა, დაასრულეთ თუ არა რეგისტრაცია. 

პლატფორმაზე რაიმე ფორმით დარეგისტრირებით/შესვლით/გამოყენებით და/ან მომსახურების მიღებით/პროდუქტის შეძენით კომპანიისგან, თქვენ წერილობით ეთანხმებით წინამდებარე წესებსა და პირობებს. წესებსა და პირობებზე თანხმობა ავტომატურად გულისხმობს წერილობით თანხმობას პერსონალური მონაცემების კონფიდენციალურობის პოლიტიკაზე და წესებისა და პირობების სხვა დანართებსა და შემადგენელ ნაწილებზე.

კომპანიას უფლება აქვს ცალმხრივად შეიტანოს ცვლილებები წესებსა და პირობებში ნებისმიერ დროს, პლატფორმაზე გამოქვეყნებით. აღნიშნული ცვლილებები ძალაში შედის ცვლილების შეტანისთანავე. მომხმარებლის მიერ პლატფორმის გამოყენება და/ან სერვისის/პროდუქტის შეძენა/მიღება ავტომატურად ნიშნავს შეცვლილ პირობებზე წერილობით თანხმობას. არსებითი ცვლილებების შემთხვევაში, კომპანია დამატებით აცნობებს რეგისტრირებულ მომხმარებლებს პლატფორმის ან/და ელექტრონული ფოსტის/SMS-ის მეშვეობით.

განცხადებები და გარანტიები

მომხმარებელი აცხადებს და გარანტიას იძლევა, რომ:

• წაიკითხა და სრულად ეთანხმება წესებსა და პირობებს.
• არ გამოიყენებს პლატფორმას უკანონო მიზნებისთვის და პლატფორმის გამოყენების პროცესში დაიცავს საქართველოს კანონმდებლობის მოთხოვნებს, მათ შორის და არა მხოლოდ, კანონმდებლობით დადგენილ ასაკობრივ შეზღუდვებს.
• არცერთი მისი ქმედება არ არღვევს კომპანიის, სხვა მომხმარებლების ან/და მესამე მხარის უფლებებს.
• ინტელექტუალური საკუთრების უფლებები ლოგოზე, პლატფორმაზე, დიზაინზე, პროგრამულ კოდზე, პროდუქტზე (და მის შინაარსზე) და სხვა დაკავშირებულ მასალაზე ეკუთვნის კომპანიას ან/და შესაბამის მესამე პირს.
• სრულად აცნობიერებს წესებსა და პირობებში მოცემულ ინფორმაციასა და კონკრეტულ პირობებს, აგრეთვე მათთან შეთანხმების შედეგად წარმოშობილ სამართლებრივ შედეგებს.

რეგისტრირებული მომხმარებელი აცხადებს და გარანტიას იძლევა, რომ:

• პლატფორმის გამოყენების დროს მას გაცნობიერებული აქვს პლატფორმის გამოყენების მნიშვნელობა და არ იმყოფება რაიმე გონებრივი/ფიზიკური ზემოქმედების ქვეშ, რაც ხელს შეუშლის აღნიშნულში. მან მიაღწია კანონით დადგენილ შესაბამის ასაკობრივ ზღვარს და აქვს სრული უფლებამოსილება გამოიყენოს პლატფორმა და მიიღოს მომსახურება/შეიძინოს პროდუქტი, წინააღმდეგ შემთხვევაში კომპანიას უფლება აქვს დაბლოკოს რეგისტრირებული მომხმარებლის პროფილი.
• მის მიერ პლატფორმაზე შეყვანილი ინფორმაცია არის ნამდვილი, ზუსტი და კანონიერი.
• წესებისა და პირობების რეგულირების დარღვევის შემთხვევაში, მას შეიძლება დაებლოკოს/შეუჩერდეს წვდომა პლატფორმაზე.

პლატფორმის გამოყენება და ძირითადი დებულებები

პლატფორმა წარმოადგენს TAOBAO-ს ქართულ ვერსიას. პლატფორმის საშუალებით, კომპანია მომხმარებლებს სთავაზობს საშუამავლო მომსახურებას. საშუამავლო მომსახურება გულისხმობს მომხმარებლისთვის პლატფორმაზე განთავსებული TAOBAO-ს პროდუქციის შეძენაში დახმარებას. 

პლატფორმაზე ინტეგრირებულია ქართული საბანკო გადახდის მექანიზმები. რეგისტრირებული მომხმარებელი, პლატფორმაზე შეკვეთის დადასტურების დროს, თანხას უხდის კომპანიას.

პლატფორმაზე განთავსებული პროდუქციის შეძენა და კომპანიის საშუამავლო მომსახურების მიღება შესაძლებელია მხოლოდ და მხოლოდ რეგისტრირებული მომხმარებლებისთვის. 

კომპანია საკუთარი შეხედულებისამებრ განათავსებს პლატფორმაზე პროდუქციას, რომელიც შესაძენად ხელმისაწვდომი იქნება რეგისტრირებული მომხმარებლისთვის. 

მხარეები იაზრებენ, რომ კომპანია წარმოადგენს შუამავალს მომხმარებელსა და TAOBAO-ს შორის. კომპანიას არ შეიძლება დაეკისროს პასუხისმგებლობა შეძენილი პროდუქციის ხარისხსა თუ ნებისმიერი მესამე პირის ქმედებაზე. კომპანიის პასუხისმგებლობა შემოიფარგლება მომხმარებლისა და TAOBAO-ს დაკავშირებით. 

წესების და პირობების დარღვევის, პლატფორმაზე არაზუსტი ინფორმაციის შეყვანის, უკანონო პროდუქციის შეძენის ან/და კომპანიის მიერ განსაზღვრულ სხვა ობიექტურ და გონივრულ შემთხვევებში, კომპანია უფლებამოსილია ერთპიროვნულად, დროებით ან სამუდამოდ დაბლოკოს მომხმარებელი და შეუზღუდოს მას წვდომა პლატფორმაზე. ასეთ შემთხვევაში, რეგისტრირებულ მომხმარებლებს უუქმდებათ აქტიური შეკვეთები.

რეგისტრაცია, პროდუქციის შეძენა და გადახდა

ნებისმიერ მომხმარებელს პლატფორმაზე განთავსებული წესით შეუძლია გაიაროს რეგისტრაცია. მხოლოდ რეგისტრირებულ მომხმარებლებს აქვთ შესაძლებლობა შეიძინონ პლატფორმაზე განთავსებული პროდუქცია.

პლატფორმაზე რეგისტრაციის დასრულებისთვის, მომხმარებელი ვალდებულია შეავსოს კომპანიის მიერ პლატფორმაზე განსაზღვრული გრაფები (ინფორმაცია), რომელთა რიგითობას და შინაარს განსაზღვრავს ერთპიროვნულად კომპანია.

მომხმარებლის მიერ პლატფორმაზე შეყვანილი პერსონალური მონაცემები მუშავდება პერსონალურ მონაცემთა დამუშავების პოლიტიკის შესაბამისად. 

პლატფორმაზე განთავსებული იქნება სხვადასხვა ტიპის პროდუქცია. პროდუქციის შესაძენად, რეგისტრირებულმა მომხმარებელმა უნდა განათავსოს შეკვეთა. შეკვეთის განთავსებიდან 2 (ორი) კვირის ვადაში კომპანია უფლებამოსილია გააუქმოს შეკვეთა, თუ აღნიშნული პროდუქცია საქართველოს კანონმდებლობის თანახმად, ამოღებულია სამოქალაქო ბრუნვიდან, არის უკანონო ან/და სხვაგვარად ირღვევა საქართველოს კანონმდებლობა/წინამდებარე წესები და პირობები. შეკვეთის გაუქმების შემთხვევაში, რეგისტრირებულ მომხმარებელს პროდუქციის შესაძენად გადახდილი თანხა უბრუნდება უკან შეკვეთის გაუქმებიდან 30 (ოცდაათი) საბანკო დღის ვადაში. 

იმ შემთხვევაში, თუ კომპანია არ დაბლოკავს/გააუქმებს შეკვეთას, რეგისტრირებულ მომხმარებლის მიერ შეძენილი პროდუქცია საქართველოში ჩამოვა არაუგვიანეს შეკვეთიდან 30 (ოცდაათი) კალენდარული დღისა. კომპანიას არ შეიძლება დაეკისროს პასუხისმგებლობა აღნიშნული ვადის დარღვევისთვის, თუ ვადის დარღვევა პირდაპირ არ არის გამოწვეული კომპანიის ქმედებით/უმოქმედობით. იმ შემთხვევაში, თუ პროდუქციის ჩამოსვლის დროს აღმოჩნდება, რომ არსებობდა შეკვეთის გაუქმების/დაბლოკვის საფუძვლები, კომპანია უფლებამოსილია უკან დააბრუნოს ამანათი (ასეთ დროს კომპანია უფლებამოსილია დაიტოვოს ამანათის შენახვა/ტრანსპორტირებასთან დაკავშირებული ხარჯები), ხოლო დარჩენილი თანხა დაუბრუნოს რეგისტრირებულ მომხმარებელს. ყველა სხვა შემთხვევაში, ასევე თუ რეგისტრირებულ მომხმარებელს გადახდილი აქვს ტრანსპორტირების საფასური, საქართველოში ჩამოსვლიდან 3 (სამი) კალენდარული დღის განმავლობაში რეგისტრირებული მომხმარებელი მიიღებს საკუთარ ამანათს პლატფორმაზე შეყვანილ მისამართზე. 

შეკვეთის განთავსების დროს, დასრულებამდე, რეგისტრირებული მომხმარებელი თანხას იხდის 2 (ორი) ტრანშად. საწყის ეტაპზე, იგი იხდის პროდუქციის ღირებულებას (რომელიც ასევე მოიცავს კომპანიის საკომისიოს). შეძენილი პროდუქციის ჩინეთის საწყობში მიტანის დროს, რეგისტრირებული მომხმარებელი ვალდებულია გადაიხადოს ტრანსპორტირების თანხა, რომელიც მოიცავს, როგორც საქართველოში ტრანსპორტირებას, ისე რეგისტრირებული მომხმარებლის მიერ მითითებულ მისამართზე მიტანას. იმ შემთხვევაში, თუ პროდუქციის საქართველოში ჩამოსვლიდან 7 (შვიდი) კალენდარული დღის განმავლობაში, რეგისტრირებული მომხმარებელი არ დაფარავს ტრანსპორტირების თანხას, მას დაეკისრება პირგასამტეხლო 1 კგ.-ზე 1 ლარის ოდენობით, ყოველი ვადაგადაცილებული დღისთვის. კომპანია უფლებამოსილია მომხმარებლის დავალიანების არსებობის შემთხვევაში, პროდუქციაზე ყოველგვარი დამატებითი თანხმობის გარეშე გაავრცელოს გირავნობის უფლება და მოთხოვნის დაკმაყოფილების მიზნით, მოახდინოს პროდუქციის რეალიზაცია. 

რეგისტრირებულ მომხმარებელს გადახდილი თანხა უბრუნდება მხოლოდ და მხოლოდ იმ შემთხვევაში, თუ შეკვეთა დაბლოკა კომპანიამ. რეგისტრირებულ მომხმარებელს აქვს შესაძლებლობა შემდგომი შეკვეთების გამარტივების მიზნით პლატფორმაზე დაიმახსოვროს საკუთარი საბანკო ბარათის მონაცემები და ისტორია.

პერსონალური მონაცემების დაცვა

კომპანიას უფლება აქვს დაამუშაოს მომხმარებლის პერსონალური მონაცემები წესებით და პირობებით განსაზღვრული მიზნებისთვის. მონაცემების დამუშავება შესაძლებელია მხოლოდ წინასწარ განსაზღვრული მიზნებისთვის და კონფიდენციალურობის დაცვით.

პერსონალური მონაცემების შეგროვების ან სხვა დამუშავების წესები განისაზღვრება პერსონალური მონაცემების კონფიდენციალურობის პოლიტიკის მიხედვით, რომელიც თან ერთვის წესებსა და პირობებს და წარმოადგენს მის არსებით ნაწილს.

გარდამავალი დებულებები

არც ერთ შემთხვევაში, თქვენ არ გენიჭებათ ინტელექტუალური საკუთრების უფლებები პლატფორმაზე, მის პროგრამულ კოდზე, დიზაინსა თუ სხვა პლატფორმაზე განთავსებულ ინტელექტუალური საკუთრების სხვა ობიექტებზე.

პლატფორმის გამოყენებით და/ან სერვისის (გამოწერის) მიღებით, მომხმარებლები აცხადებენ თანხმობას, რომ ეს წესები და პირობები შედგენილია მათთვის გასაგებ ენაზე, რომ მათ არ აქვთ რაიმე შეკითხვა/გაურკვევლობა, წესები და პირობები თვალსაჩინოდ არის განთავსებული და მათ ესმით ამ წესებისა და პირობების სამართლებრივი შედეგები.

კომპანია არ არის პასუხისმგებელი რაიმე შეცდომაზე ან შეფერხებაზე, რომელიც შეიძლება დაფიქსირდეს პლატფორმის გამოყენების დროს. თუ ასეთი პრობლემები წარმოიქმნება, მომხმარებლებმა უნდა აცნობონ კომპანიას, რომელიც შეეცდება პრობლემის გამოსწორებას შეძლებისდაგვარად უმოკლეს ვადებში.

თუ შეთანხმება ვერ მიიღწევა, დავა გადაეცემა თბილისის საქალაქო სასამართლოს და განიხილება საქართველოს კანონმდებლობის შესაბამისად.

წესები და პირობები, ისევე როგორც მომხმარებლისა და კომპანიის ურთიერთობა რეგულირდება საქართველოს კანონმდებლობით.

კომპანია არ იქნება პასუხისმგებელი მომხმარებლის ან/და მესამე მხარის ქმედებებზე ან ვალდებულებებზე. ასევე, ის არ იღებს პასუხისმგებლობას მომხმარებლების ან/და მესამე მხარის ქმედებების კანონიერებაზე.

პლატფორმაზე განთავსებულ ინფორმაციასა და ამ დოკუმენტში მოცემულ ინფორმაციას შორის შეუსაბამობის შემთხვევაში უპირატესობა ენიჭება პლატფორმაზე განთავსებულ ინფორმაციას.

წესებისა და პირობების ცალკეული ნაწილების ბათილობა არ იწვევს მთელი დოკუმენტის ან/და მისი სხვა ნაწილების ბათილობას.

მომხმარებელი იძლევა ცალსახა და უპირობო თანხმობას კომპანიისგან ნებისმიერი ფორმით მიიღოს შეტყობინებები, აქციები, რეკლამები, აქციები, შეთავაზებები და სხვა სახის ინფორმაცია. მომხმარებელი იძლევა ცალსახა თანხმობას, რომ მის მიერ კომპანიისთვის მიწოდებული პერსონალური მონაცემები რეგისტრაციის პროცესში დამუშავდება კომპანიის მიერ პირდაპირი მარკეტინგის მიზნით.

პლატფორმის გამოყენებით, თქვენ გამოხატავთ თქვენს წერილობით თანხმობას წინამდებარე წესებსა და პირობებზე და მათ შემადგენელ ნაწილებზე.

მხარეებს შორის ნებისმიერი ოფიციალური კომუნიკაცია უნდა იყოს წერილობითი ფორმით, გარდა იმ შემთხვევებისა, როდესაც ეს წესები და პირობები ითვალისწინებს ზეპირი სატელეფონო კომუნიკაციის ფორმას.

კომპანიას უფლება აქვს თავისი შეხედულებისამებრ შეიტანოს ცვლილებები წინამდებარე წესებსა და პირობებში პლატფორმაზე მათი გამოქვეყნებით. პლატფორმის გამოყენებით, თქვენ გამოხატავთ თქვენს წერილობით თანხმობას განახლებულ პირობებზე. წესებისა და პირობების არსებითი ცვლილებების შემთხვევაში, კომპანია აცნობებს დარეგისტრირებულ მომხმარებლებს ელექტრონული ფოსტით/პლატფორმით ან/და სხვა საშუალებებით.

პერსონალური მონაცემების კონფიდენციალურობის პოლიტიკა

აქ გამოყენებულ ტერმინებს აქვთ წესებით და პირობებით მათთვის განსაზღვრული მნიშვნელობა, თუ სხვაგვარად პირდაპირ არ არის მითითებული.

მომხმარებლების პერსონალური მონაცემების დამუშავებას პერსონალური მონაცემების კონფიდენციალურობის პოლიტიკის (შემდგომში „პოლიტიკა“) საფუძველზე ახორციელებს კომპანია ან/და კომპანიის მიერ განსაზღვრული მესამე პირი.

მომხმარებლის მიერ წესებსა და პირობებზე თანხმობა ჩაითვლება მომხმარებლის წერილობით თანხმობად პერსონალური მონაცემების კონფიდენციალურობის პოლიტიკაზე.

მომხმარებლის მიერ კომპანიისთვის ინფორმაციის მიწოდება სავალდებულოა რეგისტრაციისთვისა და პლატფორმაზე განთავსებულ პროდუქტებზე სრული წვდომის მისაღებად, წინააღმდეგ შემთხვევაში მომხმარებელი ვერ დარეგისტრირდება პლატფორმაზე და შესაბამისად ვერ მიიღებს მომსახურებას კომპანიისგან. 

პერსონალური მონაცემები

ხარისხიანი და ჯეროვანი მომსახურების უზრუნველსაყოფად, კომპანია აგროვებს შემდეგი ტიპის მონაცემებს მომხმარებლებისგან:

მომხმარებლის მიერ კომპანიისთვის მიწოდებული მონაცემები (რეგისტრირებული მომხმარებლის შემთხვევაში):

• სახელი.
• გვარი.
• პირადი ნომერი.
• დაბადების თარიღი.
• ელ. ფოსტა.
• ტელეფონის ნომერი.
• მისამართი (ასევე საფოსტო მისამართი).
• ბარათის დეტალები (ბანკის გვერდზე).

მონაცემები, რომლებსაც კომპანია დამოუკიდებლად იღებს მომხმარებლისგან (როგორც რეგისტრირებული, ასევე არარეგისტრირებული მომხმარებლებისგან).

• მომხმარებლის IP მისამართი.
• გამოყენებული ბრაუზერის ტიპები და ვერსიები.
• წვდომის სისტემის მიერ გამოყენებული ოპერაციული სისტემა.
• საიტზე შესვლის თარიღი და დრო.
• თქვენ მიერ მონახულებული კომპანიის ვებსაიტების გვერდები.
• გახსნის URL (ადრე მონახულებული გვერდი).
• მობილური მოწყობილობის ტიპი, რომელსაც იყენებთ.
• თქვენი მობილური მოწყობილობის უნიკალური ID.
• თქვენი მობილურის ოპერაციული სისტემა.
• მობილური ინტერნეტ-ბრაუზერის ტიპი.
• მომხმარებლის მდებარეობა.
• მოწყობილობის უნიკალური იდენტიფიკატორები და სხვა დიაგნოსტიკური მონაცემები.

პერსონალურ მონაცემთა დამუშავების საფუძვლები

კომპანია ან/და კომპანიის მიერ განსაზღვრული მესამე პირი ამუშავებს მომხმარებლების პერსონალურ მონაცემებს მხოლოდ მითითებული მიზნებისთვის.

კომპანია ან/და კომპანიის მიერ განსაზღვრული მესამე პირი ამუშავებს მომხმარებლების პერსონალურ მონაცემებს, რათა უზრუნველყოს მომხმარებლებისთვის დროული და მაღალი ხარისხის მომსახურება და პლატფორმის უწყვეტი გამოყენება.

მონაცემთა დამუშავების ზოგადი მიზნები:

• პლატფორმის გამოყენების გაუმჯობესება.
• მომხმარებლების შეუფერხებელი წვდომა პლატფორმაზე.
• პროდუქტების/მომსახურების მიწოდება რეგისტრირებული მომხმარებლებისთვის.
• საეჭვო/უკანონო გარიგებების ან ქმედებების გამოვლენა/დაბლოკვა.
• თაღლითობისა და სხვა შესაძლო დარღვევების პრევენცია.
• სერვისის/პროდუქციის გაუმჯობესების მიზნით სტატისტიკის მაქსიმალური სიზუსტით შედგენა.
• საქართველოს კანონმდებლობასთან შესაბამისობა.

მონაცემთა დამუშავების კონკრეტული მიზნები:

• მობილური ტელეფონის ნომრით კომპანია უზრუნველყოფს რეგისტრირებული მომხმარებლების მუდმივ ინფორმირებულობას. კომპანია რეგისტრირებულ მომხმარებლებს აწვდის განახლებულ ინფორმაციას, აქციებს და სხვა შეტყობინებებს/ინფორმაციებს, რომლებიც დაკავშირებულია პროდუქტებთან/მომსახურებასთან, მათ შორის პირდაპირი მარკეტინგის მიზნებისთვის.
• ელექტრონული ფოსტით კომპანია ეკონტაქტება რეგისტრირებულ მომხმარებელს, მათ შორის იმ შემთხვევაში, როდესაც რეგისტრირებული მომხმარებელი არ არის ხელმისაწვდომი ტელეფონის ნომერზე, ან ნომერი აღარ არსებობს. ასევე, ელექტრონული ფოსტით, კომპანია უზრუნველყოფს რეგისტრირებული მომხმარებლისთვის განახლებული ინფორმაციის, აქციების და სერვისთან დაკავშირებული სხვა შეტყობინებების/ინფორმაციის მიწოდებას, მათ შორის პირდაპირი მარკეტინგის მიზნებისთვის.
• მისამართი (საფოსტო კოდი) მუშავდება პროდუქტის და/ან შეტყობინების გაგზავნის აუცილებლობის შემთხვევაში.
• სახელი, გვარი და პირადი ნომერი გამოიყენება რეგისტრირებული მომხმარებლის იდენტიფიცირებისთვის.
• დაბადების თარიღი მუშავდება საქართველოს კანონმდებლობასთან შესაბამისობის უზრუნველსაყოფად.
• საბანკო ბარათის მონაცემები გამოიყენება თანხის გადასახდელად (ასევე რეგისტრირებული მომხმარებლის მიერ შემდგომი შეკვეთების გამარტივების მიზნით ბარათის ნებაყოფლობით დამახსოვრების შემთხვევაში).
• ტრანზაქციების/პროდუქტების ისტორია მუშავდება იმისთვის, რომ რეგისტრირებულ მომხმარებელს ჰქონდეს თავისი წინა აქტივობების თვალსაჩინოდ ნახვის საშუალება და გააკონტროლოს/აკონტროლოს მისი აქტივობები და გადახდები.

რეგისტრირებული მომხმარებლების შემთხვევაში, მონაცემთა დამუშავება ასევე გამოიყენება მარკეტინგული მიზნებისთვის და რაც შეიძლება მეტ რეგისტრირებულ მომხმარებელზე მორგებული სერვისების/უპირატესობების შეთავაზებისთვის.

მომხმარებელს უფლება აქვს ნებისმიერ დროს მოსთხოვოს კომპანიას შეწყვიტოს მისი მონაცემების პირდაპირი მარკეტინგის მიზნებისთვის გამოყენება. კომპანია შეწყვეტს მონაცემთა დამუშავებას აღნიშნულის მოთხოვნიდან 10 დღის განმავლობაში. ასეთ შემთხვევაში, მომხმარებელს შეიძლება შეეზღუდოს პლატფორმაზე წვდომა და/ან პროდუქტებზე/მომსახურებებზე წვდომა.

რეგისტრირებულ მომხმარებელს უფლება აქვს ნებისმიერ დროს მოსთხოვოს კომპანიას, შეწყვიტოს მისი მონაცემების დამუშავება, თუმცა ასეთ შემთხვევაში მას აღარ ექნება წვდომა პლატფორმაზე და ვერ მიიღებს მომსახურებას (ასეთ დროს, თუ რეგისტრირებულ მომხმარებელს აქვს აქტიური შეკვეთა, გადახდილი თანხა მას უკან არ დაუბრუნდება).

ცვლილებები

პოლიტიკაში გარკვეული ცვლილებები/დამატებები შეიძლება განხორციელდეს დროთა განმავლობაში, რაც ავტომატურად აისახება პლატფორმაზე. პლატფორმის გამოყენებით და/ან სერვისის/პროდუქტების მიღებით თქვენ ეთანხმებით ასეთ ცვლილებებს ან დამატებებს. მატერიალური ცვლილებების/დამატებების შემთხვევაში კომპანია დამატებით აცნობებს რეგისტრირებულ მომხმარებლებს პლატფორმის/ელ. ფოსტის მეშვეობით ან/და სხვა საშუალებით.

შენიშვნები

კომპანია პატივს სცემს და ითვალისწინებს თითოეული მომხმარებლის მონაცემების დაცვისა და დამუშავების წესების მნიშვნელობას.

კომპანიისთვის მნიშვნელოვანია თითოეული მომხმარებლის აზრი და დამოკიდებულება (მათ შორის, მაგრამ არ შემოიფარგლება პერსონალური მონაცემების დამუშავებით).

კომპანია ვალდებულია მოეკიდოს მომხმარებლის ნებისმიერ შენიშვნას ან რჩევას გაგებითა და პასუხისმგებლობით. თუ თქვენ გსურთ ნებისმიერ თემაზე ჩვენთან დაკავშირება, გთხოვთ, ნუ მოგერიდებათ, მოგვმართეთ: [email protected] ან/და +995 322 800 444.